રમતોમાં જીત માટે સચોટ નિર્ણયશક્તિ જરૂરી

 

રમતોમાં જીત માટે સચોટ નિર્ણયશક્તિ જરૂરી

-----------------------------------------------------------------------------------------------------------------------------

મોસ્કો ખાતે વિશ્વ ચેસ ચેમ્પિયનશીપ માટેની ફાઇનલ મેચ ભારતના વિશ્વનાથન આનંદ અને રશિયાના કારપોવની વચ્ચે રસાકસીભરી ચાલી રહી હતી. કલાકો વિતતા હતા, પણ રમતનો અંત આવતો ન હતો. સમગ્ર વિશ્વની નજર ચેસ ચેમ્પિયન કોણ બને છે, રશિયા કે ભારત તેના પર મંડાયેલી હતી. બને ખેલાડીઓની નિર્ણયશક્તિ ગજબ અને સચોટ હતી. અચાનક વિશ્વનાથન આનંદને મનમાં વિચાર આવ્યો કે આ સ્ટેપ પર વજીર ખવડાવી દઈએ તો ગેમ જીતી શકાય તેમ છે, પણ તેમાં વજીર ગુમાવવાનું જોખમ હતું, પણ તેણે મનમાં સચોટ નિર્ણય લઈ લીધો, અને અમલમાં મૂકી દીધો. કારપોવ વિચારમાં પડ્યો, આ સામે ચાલીને વજીર કેમ ખવડાવે છે, તેણે પછીના બે સ્ટેપ વિચારીને જોયું, જોખમ ન દેખાયું, અને તે લલચાઈ ગયો. વજીર મારીને તાળીઓ પાડવા લાગ્યો. રશિયનો ખુશ થઈ ગયા, પણ આનંદનો નિર્ણય સાચો હતો. ત્રીજા સ્ટેપ પર તો તેણે કારપોવને ચેકમેટ કરી દીધો. બધા જોતાં રહી ગયા. ગેઇમ ઓવર. ભારત પહેલી વખત વિશ્વ ચેસ ચેમ્પિયન ફક્ત આનંદના લાંબા ગાળાના સચોટ નિર્ણયને લીધે બની ગયું. આમ ચેસ, પત્તાં, વ્યાપાર જેવી ગેમોમાં ખેલાડીની બુદ્ધિ સાથે સચોટ નિર્ણયશક્તિ પણ બાજી જીતી લેવા માટે જરૂરી છે.

મોટા કેસીનોમાં લાખો રૂપિયા કે ડોલરની હારજીતનો મુખ્ય આધાર ખેલાડીઓના હાથમાં આવેલાં પત્તાં પર રહેલો છે, પણ તે નસીબને આધીન છે, જે બંને ખેલાડીઓ જોડે વત્તાઓછા પ્રમાણમા વહેંચાયેલું જોવા મળે છે. પણ ટોટલ હારજીતનો આધાર ખેલાડીના સચોટ નિર્ણય પર રહેલો હોય છે. બાજી ક્યારે આગળ ચલાવવી, વધતાં જવું, ક્યારે ફેંકી દેવી તે ખેલાડીની બુદ્ધિ, તર્ક અને સચોટ નિર્ણયને આધારિત હોય છે. કોઈ ખેલાડી ફક્ત કલરની બાજીમાં હિંમતપૂર્વક નિર્ણય લઈ લાખો ડોલર જીતી જાય છે, તો કોઈ ડરપોક ખેલાડી ત્રણ દશાની બાજીમાં પણ છેવટે બાજી ફેંકી દેવાનો નિર્ણય કરતાં છેવટે બાજી રોનવાળો ખેલાડી લઈ જાય છે. આમ આવી રમતોમાં સચોટ નિર્ણય લેવા બુદ્ધિ, તર્ક અને હિંમતની જરૂર પડે છે. જે ખેલાડીમાં આ ગુણો હોય છે, તે સચોટ નિર્ણયો લઈ હંમેશાં બાજી જીતી લાખો ડોલર કમાતો હોય છે.

આવી જ રીતે ક્રિકેટ, વોલીબોલ, ફુટબોલ, ટેનિસ જેવી આઉટડોર રમતોમાં પણ સચોટ નિર્ણયશક્તિ જ બાજી જીતાડે છે. ક્રિકેટમાં કયા બોલને ચોકકો મારવો અને કયા બોલને જવા દેવો તેનો ત્વરિત નિર્ણય જ ખેલાડીને સદી કરવા તરફ લઈ જાય છે. વોલીબોલ કે ટેનિસ જેવી રમતમાં બંને ખેલાડીની પ્રેક્ટિસ જોરદાર હોય તો બંનેની ગેમ સારી જ હોય છે, પણ જે ખેલાડી ત્વરિત નિર્ણયો કરી ખાલી જગ્યાઓ ઉપર બોલનું પ્લેસિંગ કરી દે છે, તે વધારે પોઈન્ટ મેળવી ચેમ્પિયન બને છે. આવા નિર્ણયો લેવામાં ઝડપ અને હિંમત જરૂરી છે, પણ તેની પ્રેક્ટિસ કરવાથી સફળતા મળી જાય છે.

ખેલાડીઓને તૈયાર કરતાં કોચ તેમને ગેમની સમજણ, પ્રેક્ટિસની સાથે સચોટ નિર્ણય પણ કેવી રીતે લેવા તે શીખવાડે છે. ટેનિસ, વોલીબોલ જેવી રમતોમાં જરાક જોરથી શોટનો નિર્ણય તમારો પોઈન્ટ આઉટસાઇડ જવાથી ગુમાવડાવે છે. માટે ચાલુ ખેલ દરમ્યાન જોશ, પાવર, ફોર્મની સાથે સચોટ નિર્ણયશક્તિ પણ એટલી જ જરૂરી છે. ફૂટબોલના વર્લ્ડ ચેમ્પિયન રોનાલ્ડો, કે પેલેની રમત જોઈએ તો સ્ફૂર્તિ, જોશ અને સચોટ નિર્ણયશક્તિ દેખાઈ આવે છે, જે ગોલ ફટકારવા જરૂરી છે.

લાસ્ટ સ્ટ્રોક :- આમ સચોટ અને મક્કમ નિર્ણયશક્તિ સાથે તર્ક, બુદ્ધિ અને જોશ કોઈપણ ઇન્ડોર અને આઉટડોર ગેમ જીતવા માટે જરૂરી છે તેમાં શંકાને કોઈ સ્થાન જ નથી.

------------------------------x--------------------------------x---------------------------------x------------------------

 If you like article & also watch video & more details join us below link

Facebook page - https://www.facebook.com/profile.php?id=61564881283606

Youtube Link - https://www.youtube.com/@drharshadkamdar4852

Instagramme Link - https://www.instagram.com/drharshadkamdar/?hl=en

Twitter Link - https://x.com/HarshadKam2312

Linked in Link - https://www.linkedin.com/in/dr-harshad-kamdar-62983815a/

More Blogs Link - 

Short Heart Touching Story- https://shorthearttouchingstory.blogspot.com/

Swasth Bachcha - https://swasthabachcha.blogspot.com/

Share Bazar Se kamai - https://sharebazarsekamai.blogspot.com/

Keywords: 

Decision making, decision power, smart decisions, better decision making, decision making skills, power of decision, life decisions, wise choices, effective decision making, personal growth, self improvement, success mindset, critical thinking, problem solving skills, confident decisions, leadership skills, emotional intelligence, positive thinking, goal setting, risk management, decision psychology, overcoming fear, avoiding mistakes, self confidence, decision strategy, mental strength, life management, productivity, motivation, success habits, mindset development, decision analysis, stop loss in life, learning from mistakes, personal success, stress free decisions, rational thinking, emotional balance, decision making process, leadership development, career decisions, financial decisions, relationship decisions, business decisions, motivation blog, self help blog, life lessons, inspirational articles, decision making tips, achieving success, better life choices.

Tags :

#DecisionMaking #DecisionPower #LifeChoices #SuccessMindset #PersonalGrowth #SelfImprovement #CriticalThinking #LeadershipSkills #Motivation #PositiveThinking #GoalSetting #MentalStrength #ProblemSolving #SuccessTips #LifeLessons #Confidence #Mindset #SelfDevelopment #InspirationalBlog #DecisionSkills

-:Disclaimer:-

The thoughts and expressions shared in this blog are purely my own reflections and creative interpretations of the human mind and emotions. Any resemblance to real persons, living or departed, is purely coincidental. The content is intended for reflection and inspiration, not as factual representation. Kindly note that reproduction or use of this material in any form requires my prior written permission.

સચોટ અને મક્કમ નિર્ણયશક્તિવાળા મહારથીઓ

 

સચોટ અને મક્કમ નિર્ણયશક્તિવાળા મહારથીઓ

---------------------------------------------------------------------------------------------------------------------------

માણસ પોતાના મનનાં પાવર અને નિર્ણયશક્તિથી મુઠ્ઠી ઊંચેરો માનવી બને છે. સામાન્ય જન કરતાં તેમની નિર્ણય લેવાની શક્તિ સચોટ અને મક્કમ હોય છે, તેથી જ તેમના લક્ષ્ય સફળતાપૂર્વક પાર પાડે છે. માનવીની શારીરિક તાકાત કે ધનની તાકાત કરતાં સહુથી વધારે ઉપયોગી છે, તેની માનસિક તાકાત અને મક્કમ નિર્ણયશક્તિ. આવા કેટલાક મહાનુભાવોના કાર્યો પરથી આપણને પણ નિર્ણયશક્તિ મજબૂત બનાવવાની પ્રેરણા મળશે.

૧) મહાત્મા ગાંધીજી :- બિલકુલ સુકલકડી શરીર, સામાન્ય દેખાવ, બિલકુલ દંભ વગરના સામાન્ય માણસ રાષ્ટ્રપિતા અને મહાત્મા બની ગયા, ફક્ત તેમની મક્કમ અને સચોટ નિર્ણયશક્તિની મદદથી.

નાનપણથી તેમની નિર્ણયશક્તિ કેટલી સચોટ અને મક્કમ હતી, તે જોઈએ. નાના મોહન ને શાળા જીવનમાં બીડી પીવાની ટેવ પડી ગઈ, બીડીના ઠૂંઠા, ફેંકી દીધેલાં મળે તો ઠીક, નહિતર બીડી ખરીદવાના પૈસા ક્યાથી લાવવા? એમાં ને એમાં તેમણે પોતાનું સોનાનું કડું કપાવી દેવાના પૈસા ચુકવ્યા. પછી તેમને બહુ પસ્તાવો થયો, અરે રે ! મેં ખોટું કામ કરી દીધું, મારે પિતાને જણાવવું પડશે, પણ જણાવવું કેવી રીતે ? તેમનો નિર્ણય સચોટ અને મક્કમ હતો. તેથી અંતે એક ચિઠ્ઠી લખી, પોતાની ભૂલોનો એકરાર કરતાં રડી પડયા. પિતાશ્રી પણ કાગળ વાંચતા રડી પડ્યા, અને પુત્ર મોહનને ખરા પસ્તાવા બદલ માફી આપી.

દક્ષિણ આફ્રિકાની ટ્રેનની સફરમાં તેમની પાસે ફર્સ્ટ ક્લાસની ટિકિટ હતી, પણ ચેકરે તેમને ગોરા ન હોવાથી સામાન સાથે ડબ્બામાંથી ઉતારી મૂક્યા. ગાંધીજીએ આ અન્યાય સામે લડવાનો નિર્ણય કરી લીધો. તે આખી રાત સ્ટેશન પર બેસી રહ્યા, અંતે તેમના સત્યાગ્રહનો વિજય થયો. અંગ્રેજોએ તેમને ફર્સ્ટ ક્લાસ માં બેસાડી મુસાફરી કરાવી દીધી. દક્ષિણ આફ્રિકામાં સત્યાગ્રહનો આ પહેલો વિજય હતો.

ફોરેનમાં બેરિસ્ટર થઈ ને આવ્યા પછી તેમને વકીલ તરીકે સારી આવક થાત, પણ તેમણે ભારતની ગુલામી સામે લડવાનો નિર્ણય કરી દીધો અને આજીવન આશ્રમમાં રહી લડતા રહ્યા. તેમના અનેક નિર્ણયો અસહકાર આદોલન, દાંડી કુચ, હિન્દ છોડો ચળવળ વગેરે એટલા મક્કમ અને અસરકારક હતા કે છેવટે અંગ્રેજોએ ભારતને આઝાદી આપવી જ પડી. આટલી બધી સફળતા અને મહેનત પછી તેમનો નિર્ણય તો જુઓ, કોઈ પણ ઉચ્ચ હોદ્દાની ખેવના વગર ફક્ત પોતડીભેર લોકોની સેવા કરતાં રહ્યાં અને મોહનદાસ કરમચંદ ગાંધીમાંથી મહાત્મા ગાંધી બની ગયા. જોયોને સચોટ અને મક્કમ નિર્ણયશક્તિનો ચમત્કાર !!!

(૨) ભગવાન શ્રીરામ - પિતા દશરથના વરદાન અને વચનને કારણે પાટવી કુંવર શ્રીરામને રાજગાદીને બદલે ચૌદ વર્ષનો વનવાસ થયો. રામ નો નિર્ણય અફર હતો. તેના બંધુ ભરતે પરત ફરવા ખૂબ સમજાવ્યા, પણ વચન એટલે વચન અને નિર્ણય એટલે નિર્ણય. રામ પરત ફરી રાજગાદીને બદલે ૧૪ વર્ષ વનવાસનો તેમનો મક્કમ નિર્ણય પૂરો કરીને જ રહ્યા.

વનમાં સોનેરી મૃગ જોઈ સીતાજી લલચાઈ ગયાં અને તે મેળવવા જીદ કરી. રામને તે જીદ પૂરી કરવા જવું પડ્યું, પણ લક્ષ્મણને સીતાની સંભાળ સોંપી રામ મૃગ પાછળ દોડ્યા. લક્ષ્મણને પણ કપટથી દોડાવી રાવણે સીતાનું હરણ કર્યું. રામને ખોટી લાલચ અને નિર્ણય બદલ અફસોસ થયો. પણ બનવાકાળ આગળ કોનું ચાલે છે ? લાલચમાં લીધેલા નિર્ણયથી ભગવાનને પણ પસ્તાવું પડે તો આપણી તો શું વિસાત !

રામે સીતા વગર પરત ફરવાને બદલે તેને શોધી કાઢી પછી જ આયોધ્યા પરત ફરવાનો નિર્ણય કર્યો. અનેક મુશ્કેલીઓ, યાતનાઓ વગેરેનો સામનો કરી રાવણને હરાવી સીતાજી સાથે જ અયોધ્યા પરત ફર્યા. એક ધોબીનાં કહેવાથી તેમણે સીતાજીનો ત્યાગ કરવાનો નિર્ણય કરી લીધો અને તેમાં અફર રહ્યા. ચરિત્ર ઉપરના સામાન્ય પ્રજાના આક્ષેપે રામને આ કઠોર નિર્ણય લેવા મજબૂર કર્યા. આમ ભગવાન રામ છેક સુધી પોતાના નિર્ણયોમાં મક્કમ રહી દુઃખ અને યાતનાઓ ઝેલતા રહ્યા.

(૩) લોખંડી પુરુષ સરદાર પટેલ - સરદાર વલ્લભભાઈ પટેલ તેમની મક્કમ અને સચોટ નિર્ણય શક્તિથી લોખંડી પુરુષ તરીકે ઓળખાતા હતા. નાનપણમાં તેમને પરું ભરેલો મોટો ફોલ્લો થયો હતો પણ પોતાની મક્કમ નિર્ણયશક્તિથી જાતે જ ગરમ લોખંડના સળિયાથી ફોડી નાખ્યો. શાળાનાં શિક્ષકે સજારૂપે બસ્સો પાડા લખવા કહ્યું, તો વલ્લભભાઈએ મક્કમ નિર્ણયથી અન્યાયરૂપી સજાનો સામનો કરતાં કહ્યું, “સાહેબ, બસ્સો પાડા તો લાવ્યો હતો, પણ એક ભડક્યો તેથી બધાં ભાગી ગયા”.

સરદાર વલ્લભભાઈ પટેલે સત્યાગ્રહની લડાઈમાં જોડાવા તેમણે વકીલાત છોડવાનો નિર્ણય કરી લીધો. ચાલુ કેસ લડતાં તેમનાં પત્નીનાં મૃત્યુનો તાર આવ્યો, તો ખિસ્સામાં મૂકી કેસ લડતા રહ્યા. આવી મક્કમ હતી તેમની નિર્ણયશક્તિ.

ભારત આઝાદ થયું, બધાં કોગ્રેસીઓનો મત તેમને વડાપ્રધાન બનાવવાનો હતો, પણ ગાંધીજીએ નહેરુજીને પસંદ કરી તેમને નાયબ વડાપ્રધાન બનાવ્યા. તેમણે આ નિર્ણય પણ માથે ચડાવ્યો. એક પછી એક રાજાઓને સ્વતંત્ર ભારતમાં ભેળવી તેમણે મહાન લોકશાહી રાષ્ટ્રની સ્થાપના કરી. જુનાગઢના નવાબ અને હૈદરાબાદનાં નિઝામને પણ પોતાની અડગ નિર્ણયશક્તિથી ઝુકાવી ભારતમાં ભેળવી દીધા. આજનું મહાન લોકશાહી ભારત સરદાર પટેલની આ મક્કમ અને સચોટ નિર્ણયશક્તિને ભૂલી શકે તેમ નથી.

------------------------------x--------------------------------x---------------------------------x------------------------

 If you like article & also watch video & more details join us below link

Facebook page - https://www.facebook.com/profile.php?id=61564881283606

Youtube Link - https://www.youtube.com/@drharshadkamdar4852

Instagramme Link - https://www.instagram.com/drharshadkamdar/?hl=en

Twitter Link - https://x.com/HarshadKam2312

Linked in Link - https://www.linkedin.com/in/dr-harshad-kamdar-62983815a/

More Blogs Link - 

Short Heart Touching Story- https://shorthearttouchingstory.blogspot.com/

Swasth Bachcha - https://swasthabachcha.blogspot.com/

Share Bazar Se kamai - https://sharebazarsekamai.blogspot.com/

Keywords: 

Decision making, decision power, smart decisions, better decision making, decision making skills, power of decision, life decisions, wise choices, effective decision making, personal growth, self improvement, success mindset, critical thinking, problem solving skills, confident decisions, leadership skills, emotional intelligence, positive thinking, goal setting, risk management, decision psychology, overcoming fear, avoiding mistakes, self confidence, decision strategy, mental strength, life management, productivity, motivation, success habits, mindset development, decision analysis, stop loss in life, learning from mistakes, personal success, stress free decisions, rational thinking, emotional balance, decision making process, leadership development, career decisions, financial decisions, relationship decisions, business decisions, motivation blog, self help blog, life lessons, inspirational articles, decision making tips, achieving success, better life choices.

Tags :

#DecisionMaking #DecisionPower #LifeChoices #SuccessMindset #PersonalGrowth #SelfImprovement #CriticalThinking #LeadershipSkills #Motivation #PositiveThinking #GoalSetting #MentalStrength #ProblemSolving #SuccessTips #LifeLessons #Confidence #Mindset #SelfDevelopment #InspirationalBlog #DecisionSkills

-:Disclaimer:-

The thoughts and expressions shared in this blog are purely my own reflections and creative interpretations of the human mind and emotions. Any resemblance to real persons, living or departed, is purely coincidental. The content is intended for reflection and inspiration, not as factual representation. Kindly note that reproduction or use of this material in any form requires my prior written permission.

સચોટ નિર્ણયો માટે જરૂરી છે મનની તર્કશક્તિ

સચોટ નિર્ણયો માટે જરૂરી છે મનની તર્કશક્તિ

--------------------------------------------------------------------------------------------------------------------------

કોઈપણ અગત્યનો નિર્ણય લેવા અલગ અલગ વિકલ્પો જણાય તો કયા નિર્ણયથી કેટલો ફાયદો થશે તે માટે મનમાં દલીલો અને તર્ક વિચારવા પડે છે. આવી તર્ક શક્તિથી મન સચોટ ફાયદાકારક નિર્ણય માટે આગળ વધી શકે છે. આવા તર્ક મનમાં યોગ્ય રીતે વિચારી શકાય તે માટેનુ અલગ શાસ્ત્ર છે, જે તર્કશાસ્ત્ર કે લોજિક કહેવામાં આવે છે. તર્ક એટલે એક જાણીતી હકીકત ઉપરથી બુદ્ધિશક્તિનો ઉપયોગ કરી બીજી હકીકત ઉપર પહોચવું.

દરેક વખતે તર્ક કરીને લીધેલ નિર્ણય સાચો જ પડે તે નક્કી હોતું નથી. કોઈ વખત તર્ક ખોટો પણ પડી જાય છે, તો નિર્ણય સદંતર ખોટો પડી જાય છે. આવે વખતે પોતાની કોઠાસૂઝ અને બુદ્ધિમતાનો ઉપયોગ પણ જરૂરી છે.

પૃથ્વીરાજ ચૌહાણ બહાદુર રાજા હતા. તે હારેલા, શસ્ત્રવિહીન દુશ્મન પર વાર કરતા નહીં, પણ છોડી દેતા. તેમનાં પર હુમલો કરનાર હારેલા મોહમ્મદ ઘોરીને તેમણે સોળ વખત છોડી દીધા અને જીવતા જવા દીધા. તેમનો આ તર્ક અને નિર્ણય ખોટા હતા. સત્તરમી વખત તેના માશિયાઈ ભાઈની બેવફાઈથી તેઓ હારી ગયા અને તરત જ મોહમ્મદ ઘોરીએ તેમનો શિરચ્છેદ કરી દીધો. આમ જીવનમરણના નિર્ણયો લેતી વખતે ખૂબ જ વિચારણા અને સાવચેતી જરૂરી છે.

આપણામાં કહેવત છે કે “ધુમાડો છે, તો આગ હોવી જ જોઈએ” વાસ્તવિક રીતે ધુમાડો દેખાય એટલે મનમાં તર્કથી નક્કી થઈ જાય છે કે ક્યાંક આગ લાગેલી છે ખરી. પરંતુ આપણી નજરે ચડતી નથી. તેવી જ રીતે ગણિતનાં પ્રમેયો, વિજ્ઞાનનાં નિયમો વગેરે તર્કથી જ સાબિત કરવામાં આવે છે, તર્કશાસ્ત્રનો પદ્ધતિસરનો અભ્યાસ આપણી નિર્ણયશક્તિ સચોટ બનાવવા મદદરૂપ બને છે.

જીવનનાં ખૂબ અગત્યના નિર્ણય લેતી વખતે કેવી રીતે મનમાં તર્ક કરવામાં આવે છે, તે ઉદાહરણથી જોઈએ. તમારો ધંધો અમદાવાદમાં સારો ચાલે છે, ખાવા પીવાનું સરળતાથી થાય છે, પણ બચત બહુ થતી નથી. અચાનક તમારી ગ્રીનકાર્ડ માટેની ફાઈલથી અમેરિકા સ્થાયી થવાની તક મળે છે. અહીં બધું બંધ કરીને કાયમ માટે અમેરિકા વસવાટ કરવો કે નહીં, મન ગડમથલમાં ફાયદા અને ગેરફાયદાનાં તર્ક કરે છે.

(૧) ડોલરમાં કમાણી રૂપિયા કરતાં વધારે હોવાની.

(૨) અમેરિકાની સમૃદ્ધ દુનિયામાં રહેવા મળે.

(૩) મોટી કાર અને બંગલાનો ચાન્સ રહે.

(૪) આવનારી પેઢીનું ભવિષ્ય સુધરી જાય.

સાથોસાથ ગેરફાયદાનાં તર્ક પણ મનમાં ચાલવા લાગે છે. જેવા કે,

(૧) અમેરિકામાં મહેનત મજૂરીની સામાન્ય કામગીરી જ મળે, જે તમને આ ઉંમરે અપમાનજનક લાગે

(૨) અમેરિકામાં કોઈ નજીકનાં સગાસંબંધી ના મળે

(૩) આપણો ખોરાક કે રહેણીકરણી ત્યાં ન મળે

(૪) ફક્ત ભૌતિક જગતમાં આપણો ધર્મ, મંદિરો કે લાગણીઓ જોવા ન મળે

આમ બંને તરફ સરખાં જ તર્ક થતાં હોવાથી નિર્ણય કઠિન બની જાય છે, જે માણસનું મન ભૌતિક સુખો, બંગલા, ગાડી અને ડોલર માટે તલસી રહ્યું હોય તેના તર્ક અમેરિકા સ્થાયી થવા તરફી બનતા જાય છે, પણ જેનું મન લાગણીસભર, આધ્યાત્મિક અને ધાર્મિક લાગણીઓ તરફ ઝોક ખાતું હોય તે છેવટે અમેરિકાને બદલે માતૃભૂમિને જ પસંદ કરતાં તર્ક કરે છે. આમ જીવનનાં કઠિન નિર્ણયો માટે તર્ક ઉપયોગી છે, પણ છેવટનો નિર્ણય તો મનનાં ઝુકાવ તરફી જ થતો જોવાય છે.

દુશ્મન કારેલા તેમનો ભાઈની રચ્છેદ અને ક્યાંક વતના છે,

તર્કના મુખ્ય બે પ્રકાર છે.

(૧) નિગમન અને

(૨) વ્યાપ્તિ. તર્ક સારો નથી.

સાર્વત્રિક બાબતો ઉપરથી આંશિકમાં જવાય તેને નિગમન તર્ક અને આશિક બાબતો ઉપરથી સાર્વત્રિક બાબતો ઉપર જવામાં આવે તેને વ્યાપ્તિ કહે છે. નિર્ણય લેવામાં વ્યાપ્તિ તર્ક વધારે ઉપયોગી છે.

પહેલી વખત વાદળા ઘેરાઈને ગડગડાટ થયો હતો, ત્યારે વરસાદ પડ્યો હતો, બીજી વખત પણ તે જ સંજોગોમાં વરસાદ પડયો હતો, તો હવે વાદળાં ઘેરાયા છે, માટે વરસાદ પડે તો રક્ષણ માટે છત્રી લઈ જવી પડશે. તર્કની આ પ્રક્રિયા મનમાં આપોઆપ ચાલતી જ રહે છે. આપણી જાણ બહાર મન વિવિધ તર્કો કરીને નિર્ણયો લીધા જ કરે છે. બે કે ત્રણ બનાવો વખતે જે ઘટના બની હોય તેનાથી પરિણામ અલગ જ આવે, તો આપણો તર્ક અને નિર્ણય ખોટા પડે છે.

આપણાં રોજબરોજનાં કામકાજનાં નિર્ણયો લેતી વખતે મનમાં અજ્ઞાતપણે તર્ક દ્વારા નિર્ણયો લેવાતાં જાય છે, જેની આપણાં જ્ઞાત મનને જાણ પણ હોતી નથી. પહેલા દિવસે ધીમા ચાલવાથી વિરાર ફાસ્ટ એક મિનિટ માટે ચૂકી ગયા હતાં, બીજા દિવસે થોડું ઝડપથી ચાલવાથી દસ સેકન્ડ માટે ટ્રેન ચાલી ગઈ, તો ત્રીજા દિવસે આપોઆપ અજ્ઞાત મનમાં તર્ક દ્વારા હજુ વધારે ઝડપથી ચાલવાનાં ઓર્ડર થશે, અને આપણને તે ફાસ્ટ ટ્રેન મળી જતાં ઓફિસે સમયસર પહોંચી જવાશે.

પતિ-પત્નીનાં કે બાળકો સાથેના સંબંધોનો વ્યવહાર પણ અજ્ઞાત તર્કો દ્વારા જ ચાલતો રહે છે. પતિ ઓફિસેથી ઘેર આવીને અસિડિટી થઈ હોવાથી ચ્હા પીવાની ના બે દિવસ પાડી દે, તો ત્રીજા દિવસે પત્ની આપોઆપ ચ્હાનું પૂછતી જ નથી. તેથી પતિએ સામેથી કહેવું પડે છે કે સરસ મસાલાવાળી ચ્હા બનાવ. નજીકના કે દૂરનાં સગાઓ પણ રોજબરોજનાં વ્યવહારમાં તર્ક દ્વારા તેવા જ વ્યવહારની અપેક્ષા રાખે છે, પણ કોઈ કારણસર તે પ્રમાણે વ્યવહાર થઈ શકતો નથી, ત્યારે સંબંધોમાં તિરાડ પડે છે. 

ડોક્ટર અને વકીલને તેમના વ્યવસાયમાં તર્કનો સહારો લઈ નિર્ણયો કરવા પડે છે. ડોક્ટર પોતાના વર્ષોનાં અનુભવ પરથી દર્દીના નિદાન માટે વિવિધ તર્ક કરીને જ નિર્ણય પર આવે છે, અને તે મુજબ ટેસ્ટ કરાવે છે. તાવના કેસમાં આપણા દેશમાં સહુથી વધારે કોમન કારણ મલેરિયા છે, પછી વાઇરસ તાવ, બેક્ટેરિયલ તાવ, ટાઇફોઇડ અને પછી કેટલીક ભાગ્યેજ જોવા મળતી તકલીફોથી પણ તાવ આવી શકે છે. કોરોના, સ્વાઈન ફલ્યુ, ડેન્ગ્યુ જેવા તાવ પણ તેનો વ્યાપ ચાલુ હોય ત્યારે તર્કરૂપે મનમાં રાખવા પડે છે. એક પછી એક તકલીફો અને તપાસના તારણો પરથી અનુભવી ડોક્ટર મનનાં તર્ક દ્વારા જ નિદાન સુધી પહોંચી જાય છે, જયારે બિનઅનુભવી ડોક્ટર વિવિધ ટેસ્ટો કરાવીને પણ ચોક્કસ નિદાન કરી શકતો નથી. તર્ક વિચારવા માટે વર્ષોનો અનુભવ કામમાં આવે છે. છતાં પણ દરેક વખતે અનુભવી ડોક્ટરનાં તર્ક પણ સાચા હોતા નથી. દૂરથી લગડાતી ચાલે આવતા માણસને જોઈ ત્રણ ડોક્ટરો પણ વિવિધ નિદાનો કરે છે.

(૧) તેને પગમાં વાગ્યું લાગે છે.

(૨) તેને સાંધાનો વા લાગે છે.

(૩) તેના પગમાં ફ્રેક્ચર લાગે છે.

ત્રણે તર્ક કરી નિદાન કરે છે, પણ માણસને પૂછતાં ખબર પડે છે કે તેનું ચંપલ તૂટી ગયું હોવાથી લંગડાતી ચાલે ધીમું ચાલતો હતો. આમ ત્રણેયનાં તર્ક અને નિર્ણય ખોટા હતા. માટે જ નિદાનમાં રહેલ સૂક્ષ્મ ખામીને બેદરકારી ગણવામાં આવતી નથી, પરંતુ સામાન્ય તર્કથી પણ ખોટા નિદાન થાય તો તેને બેદરકારી ગણી શકાય.

તેવી જ રીતે વકીલો કોર્ટમાં વિવિધ તર્કો દ્વારા પોતાનો કેસ સાચો સાબિત કરે છે. વક્ત પિક્ચરમાં સુનિલ દત્ત વિવિધ રીતે વજનદાર ગુણી ઊંચકી આવતા માણસને નિર્દેશ કરી સાબિત કરે છે કે લાશને કોઈપણ રીતે અંદર લઈ જવામાં આવે પણ તેની ઉપર ગુનેગારનાં પગલાં પડે જ નહીં. કોર્ટ અને જજ સાહેબ આ તર્ક ઉપરથી નિર્ણય સંભળાવે છે કે તેનો અસીલ રાજકુમાર નિર્દોષ છે, આમ ખૂન કેસ તર્ક દ્વારા સાબિત થાય છે. અનુભવી વકીલ જુદા જુદા તર્કો દ્વારા પોતાનાં અસીલને નિર્દોષ સાબિત કરાવી જાય છે, પણ નક્કર સાબિતી આગળ તર્ક ચાલતાં નથી.

આમ તર્કથી નિર્ણય લેવાની પ્રક્રિયા ચાલતી જ રહે છે. માણસ તર્કશક્તિ સુધારવા તર્કકસોટીઓ, રોજિંદા કામમાં તર્ક દોડાવવા તથા તર્કશાસ્ત્રનો અભ્યાસ કરી પોતાની નિર્ણયશક્તિ સચોટ બનાવી શકે છે. તેને માટે કોઠાસૂઝ, અનુભવ અને બુદ્ધિ ઉપયોગી છે.

------------------------------x--------------------------------x---------------------------------x------------------------

 If you like article & also watch video & more details join us below link

Facebook page - https://www.facebook.com/profile.php?id=61564881283606

Youtube Link - https://www.youtube.com/@drharshadkamdar4852

Instagramme Link - https://www.instagram.com/drharshadkamdar/?hl=en

Twitter Link - https://x.com/HarshadKam2312

Linked in Link - https://www.linkedin.com/in/dr-harshad-kamdar-62983815a/

More Blogs Link - 

Short Heart Touching Story- https://shorthearttouchingstory.blogspot.com/

Swasth Bachcha - https://swasthabachcha.blogspot.com/

Share Bazar Se kamai - https://sharebazarsekamai.blogspot.com/

Keywords: 

Decision making, decision power, smart decisions, better decision making, decision making skills, power of decision, life decisions, wise choices, effective decision making, personal growth, self improvement, success mindset, critical thinking, problem solving skills, confident decisions, leadership skills, emotional intelligence, positive thinking, goal setting, risk management, decision psychology, overcoming fear, avoiding mistakes, self confidence, decision strategy, mental strength, life management, productivity, motivation, success habits, mindset development, decision analysis, stop loss in life, learning from mistakes, personal success, stress free decisions, rational thinking, emotional balance, decision making process, leadership development, career decisions, financial decisions, relationship decisions, business decisions, motivation blog, self help blog, life lessons, inspirational articles, decision making tips, achieving success, better life choices.

Tags :

#DecisionMaking #DecisionPower #LifeChoices #SuccessMindset #PersonalGrowth #SelfImprovement #CriticalThinking #LeadershipSkills #Motivation #PositiveThinking #GoalSetting #MentalStrength #ProblemSolving #SuccessTips #LifeLessons #Confidence #Mindset #SelfDevelopment #InspirationalBlog #DecisionSkills

-:Disclaimer:-

The thoughts and expressions shared in this blog are purely my own reflections and creative interpretations of the human mind and emotions. Any resemblance to real persons, living or departed, is purely coincidental. The content is intended for reflection and inspiration, not as factual representation. Kindly note that reproduction or use of this material in any form requires my prior written permission.