સુખ પતંગિયા જેવું છે, પકડવા જશો તો ઊડી જશે
વર્ષો પહેલાંની વાત છે. હું સાતમા ધોરણમાં ભણતો હતો. ઓગસ્ટ મહિનો ચાલુ હતો. વરસાદની મહેર સારી હતી. ચારે તરફ લીલોતરી આપમેળે બહાર નીકળી આવી હતી. હું અને મારો મિત્ર અશોક રમતાં રમતાં ગાર્ડનમાં આવી ચડ્યા. સુંદર સજાવેલી ક્યારીઓ અને ખુશનુમા વાતાવરણથી અમે ખુશખુશાલ બની ગયા. ચારે તરફ લાલ, પીળાં, સફેદ પતંગિયાં ઊડતાં હતાં. અશોકે મને કહ્યું, ‘“જો, કેટલાં સરસ પતંગિયાં છે! જો તું
મને લાલ પકડી આપે તો હું તને ફાઈવસ્ટાર ચોકલેટ આપીશ.” મેં ચેલેન્જ સ્વીકારી લીધી. હું લાલ પતંગિયાની પાછળ દોડતો ગયો. જેવું તે એક જગ્યાએ બેઠું કે મેં હાથથી પકડવાની કોશિશ કરી અને તે ઊડી ગયું. ફરી પ્રયત્ન કર્યો, પણ તે ઊડી ગયું. ફરી દોડયો, ફરી પ્રયત્ન કર્યો, પણ હું જેમ જેમ તેની પાછળ દોડતો ગયો, તેમતેમ તે વધારે વધારે દૂર જતું ગયું. અશોકે મને તેને ઝાંખરાથી મારવાની અને પકડી લેવાની વાત કરી. પણ આટલા સુંદર પતંગિયાને કંઈ ઝાંખરાથી મરાતું હશે? મે ના પાડી દીધી. થાકીને હું ઊભો રહી ગયો. મને થયું હું શરત હારી જઈશ કે | ? ત્યાં તો નવાઈ લાગે તેવું થયું.
લાલ પંતગિયું આપમેળે આવીને મારા ખભા ઉપર બેસી ગયું. ખુશ થઈને મેં બુમ પડી “અશોક. જો મારી પાસે ખભા ઉપર પતંગિયું છે ને !" હું શરત જીતી ગયો.
આજે હવે વિચારતાં અને ચોકલેટ ચગળતાં હસવું આવે છે. જિંદગીમાં સુખનું પણ આવું જ નથી ! તમે નિરાશ થઈ જાવ, હતાશ થઇ જાવ, વિચારો, મને જિંદગીમાં સુખ કેમ મળતું નથી ? બીજાં કેટલાં બધાં સુખી છે? પેલા પાસે મોટો બંગલો, ગાડી, અને સ્વરૂપવાન પત્ની છે. મારી પાસે કેમ કંઈ નહીં? અને તે પામવા માટે અહીંતહીં દોડાદોડ કરી મૂકીએ, સુખ હમણાં મારા હાથમાં આવશે પણ તે તો ઊડીને દૂર જતું રહેશે. તેને બદલે શાંતિથી વિચાર્યા વગર બેસી જાવ, બધું આપમેળે તમારી પાસે
અમારા ડ્રાયવર જીવણલાલનો છોકરો ગ્યાનચંદ બહુ જ હોંશિયાર, સદાય પ્રથમ જ આવે.
તેને મનમાં સરસ બંગલો, ગાડી, અને સંપત્તિની ઈચ્છા થયા કરે. મને કહે “મારા નસીબમાં ગાડી ક્યારે આવશે?” મેં કહ્યું, “તેને માટે દોડાદોડ કરવાની જરૂર નથી, નોલેજ વધાર, નોલેજ આ જમાનામાં સહુથી પાવરફૂલ છે." તેણે દિવસ રાત જોયા વગર જનરલ નોલેજ વધારવા માંડ્યું, અને તમે માનશો, તે સોનીના “કૌન બનેગા કરોડપતિ ?” શોમાં અમિતાભબચ્ચનના હાથે કરોડ રૂપિયા જીતી ગયો. આજે તેની પાસે બધું જ છે.
હિમાંશુ વ્યાસ સુંદર લેખક હતા. તે નામાંક્તિ પેપરોમાં પોતાના લેખો આવે તેને માટે મહેનત કર્યા કરતા, પણ તેને સફળતા મળતી જ નહીં. મને કહે, “હું તો કંટાળી ગયો છું. કોઈ મારા લેખ પસંદ નથી કરતું.” મેં કહ્યું, "હતાશ ના થાવ, મહેનત કરીને લખવાની ગુણવત્તા સુધારતા જાવ.” ચાર વરસ પછી અનાયાસે નામાંકિત પેપરના તંત્રી એ તેને કોલમ ઓફર કરી. આજે તે પ્રખ્યાત લેખક બનીને ઘેર ઘેર સન્માન પામી રહ્યા છે.
મગનકાકા રડમસ ચહેરે મારે ઘેર આવ્યા અને કહે, “છોકરો અમેરિકા જઈને અમને ભૂલી જ ગયો. અમે તેના નામનું નાહી નાખીએ છીએ.” મેં કહ્યું “કાકા, એમ સામેથી અમેરિકા જવાની જીદ ના કરો, પ્રેમથી સાહજિક રીતે તેની સાથે વર્તી. સમય જવા દો.” બે જ વરસમાં કાકા ખુશ થતા આવ્યા. "તમારી વાત સાચી પડી. અમને બંનેને બાબાએ સામેથી ટીકીટ મોકલીને અમેરિકા બોલાવ્યા છે."
જીજ્ઞેશ સામાન્ય દેખાવનો મધ્યમ વર્ગનો, તેથી સામેથી કોઈ માંગાં આવે જ નહીં. મેં સલાહ આપી, “ચિંતા ના કરીશ, મહેનત કર, ફળ મળશે જ.” આકરી મહેનત પછી તેનો આઈ.એ.એસ.માં નંબર લાગી ગયો. યુવાન વયે તે કલેક્ટર બની ગયો. આજે સામેથી સ્વરૂપવાન છોકરીઓના પપ્પાઓ લાઈન લગાવી રહ્યા છે.
If you like article & also watch video & more details join us below link
Facebook page - https://www.facebook.com/profile.php?id=61564881283606
Youtube Link - https://www.youtube.com/@drharshadkamdar4852
Instagramme Link - https://www.instagram.com/drharshadkamdar/?hl=en
Twitter Link - https://x.com/HarshadKam2312
Linked in Link - https://www.linkedin.com/in/dr-harshad-kamdar-62983815a/
#happiness #happy #positivevibes #smile #joyfulmoments #choosehappiness #happinessisachoice #spreadhappiness #everydayhappiness #happinessquotes #purehappiness #feelgood #livehappy #loveyourlife #positivity #selflove #mindfulness #goodvibesonly #innerpeace #grateful #joy #bliss #peaceofmind #motivation #wellbeing #happyheart #behappy #findjoy #simplepleasures #positivemindset #goodenergy #selfcare #uplifting #optimism #inspiration #lifeisbeautiful #positivethinking #happyvibes #kindness #smilemore
ટિપ્પણીઓ નથી:
ટિપ્પણી પોસ્ટ કરો