ડરને દૂર કરશો કેવી રીતે?
-----------------------------------------------------------------------------------------------------
ડર
એક જોખમ કે દુઃખી કરતાં બનાવ, વસ્તુ
કે સજીવ સામેની કુદરતી બચાવ અભિવ્યક્તિ છે. તેથી, તે આપણને ઉપયોગી છે, મદદરૂપ છે. જો આપણને ખરેખર ડર ના લાગે તો આપણે તેના તત્કાળ
બચાવ માટે કાંઈ જ કાર્યવાહી કરતાં નથી, બેદરકાર રહીએ છીએ, તે પણ જીવિત રહેવા માટે જોખમકારક છે, અને ચિરંજીવતા ઓછી થવા લાગે છે કે નષ્ટ પામે છે.
જુદા
જુદા ડરના કારણોનું વિશ્લેષણ કરી જોતાં જણાય છે કે, અમુક પ્રકારના ડર મનમાં ખોટા દાખલ થઈ જડ બની ગયા છે. આવા ડર
ને દૂર કરવા જરૂરી છે, નહિતર
જિંદગી દોજખભરી બની બોજ બની જાય છે. માનસિક નિરાશા અને હતાશા વ્યાપે છે, અને લક્ષ્યમાં સફળતા મળતી નથી. મન અતૃપ્ત, બેચેન અને વ્યગ્ર રહ્યા કરે છે. જો કોઈ યુવકને સુંદર યુવતી
ગમે છે,
પણ તેને જોતા જ હાથ પગ કંપવા લાગે, પરસેવો વળી જાય, જીભ થોથવાય તો પોતાનો પ્રેમ જતાવી શકશે કેવી રીતે? અંતે પ્રેમ ના મળતા, લક્ષ્ય પ્રાપ્ત ના થતાં તેનું મન વ્યગ્ર અને બેચેન બની જાય
છે,
મનમાં ઉદ્વેગ ઉછળે છે. આમ આ ડર નકામો છે, નુકશાનકારક છે. તેનું મન મિલન માટે તલસાટ અનુભવે છે, પણ ડર ને લીધે તે કાંઈ જ કરી શકતો નથી. હિન્દી મુવીનું આ
ગીત યાદ આવે છે. “કરવટે બદલતે રહે સારી રાત હમ, આપકી કસમ,” પણ
થાય શું?
આવા ખોટા, નુકશાન
કરતાં ડરને મહાત કરવો જરૂરી છે. કઈ રીતે તે હવે જોઈએ :
1. ડરને
ઓળખો અને સમજો : તમારી સામે નિર્જન સૂમસામ રસ્તામાં અચાનક ઝેરી સાપ આવી જાય, તો તમે ડરથી કપીને ભાગી છૂટો તે વ્યાજબી છે, જીવ બચાવનાર પ્રક્રિયા છે. આવા ડરને જાણવાની તેનાથી બચવાની
જરૂર નથી,
તે દરેક સજીવોમાં હોય છે, જે જરૂરી છે.
તમને
અચાનક મોટી માનવ મેદની સામે ભાષણ આપવાનું કહેવામાં આવે તો તમે ડરીને ના, ના કરો છો, કેમ? મનમાં ડર લાગે છે કે મારી સામે બધા હસશે તો? બધા મારો બહિષ્કાર કરશે તો? મારી હાલત શું થશે? આ ખોટો ડર છે. કોઈ તમને સાંભળ્યા વગર કાંઈ જ કરશે નહીં. આવા
ડરને મનમાં સમજી તેને સમજવા પ્રયત્ન કરો. માણસની પ્રકૃતિ છે કે ડર લાગે, પણ તે વ્યાજબી છે કે ખોટો હાઉ ઊભો થયો છે, તેની ચકાસણી કરો.
ભૂતિયા
આમલી નીચેથી પસાર થતાં અચાનક પાછળથી કોઈ ખભે હાથ મૂકે તો તમે ડરથી કાંપી જાવ, ભૂતપ્રેત આવ્યું કે શું? પાછળ ફરીને જોવાની હિંમત જ ચાલતી નથી, પણ પછી ખબર પડે કે, તે તો તમારો જૂનો મિત્ર જ છે. આ ડર ખરેખર અસ્તિત્વ ધરાવે છે
કે નહીં,
તે વિચારો. ખરેખર ભૂત, પ્રેત, ડાકણ, પિશાચ વિગેરે છે કે નહીં, કે પછી તે ખાલી મનનો વહેમ જ છે, ડર જ છે, તેની
ખાતરી કરો. ડર ખોટો જ છે, ભૂત
પ્રેત જેવી કોઈ હસ્તી છે જ નહીં તે ખબર પડતાં ડર આપોઆપ દૂર થઈ જશે.
૨.
ડરનું વિશ્લેષણ કરો અને તેને લીધે ખરાબમાં ખરાબ શું થઈ શકે તેનો વિચાર કરો : ડરનું
કારણ મનમાં તપાસો, અને
તેનું વિશ્લેષણ કરો. તમને પરીક્ષામાં નિષ્ફળતાનો ડર લાગતો હોય તો વિચારો, ડર કેમ લાગે છે? થોડા ખોટા જવાબો લખ્યા તેનો ડર લાગતો હોય તો, એ તો દરેકને હોય છે જ ને, એનું નામ જ પરીયા, પાસ પણ થવાય અને નાપાસ પણ થવાય, તેથી ચિંતા કરવાની કે ડર રાખવાની જરૂર નથી.
ડરનું ઉદ્દભવ સ્થાન શું છે? તે સાચો છે. કે પછી ફક્ત અફવા જ છે. બંધ બંગલામાં ભૂત થાય છે. તેવી ગામમાં અફવા ફેલાઈ હોય તો બધાને ત્યાં જતાં ડર લાગે છે જ, પણ ખરેખર ભૂત છે. કે ખોટી અફવા તે ચકાસો. વિચારો કે આ દુનિયામાં ભૂત પલિત જેવું કંઈ છે જ નહીં, તો આ બંગલામાં ભૂત આવશે ક્યાંથી? અને તમારો ખોટો ડર નીકળવા લાગશે.
સુંદર, દેખાવડી છોકરીનો ડર લાગતો હોય તો વિચારો કે કેમ ડર લાગે છે? આ ઉમરે વિજાતીય આકર્ષણ વધારે હોવાથી તેના દબાણમાં ડર લાગે
છે,
પણ વિચારો તેની સાથે વાત કરવાથી છોકરી કંઈ તમને ખાઈ જવાની
નથી,
બહુ બહુ તો તમારી મજાક ઉડાવશે, કે પછી જતી રહેશે, પણ જો હિંમતથી વાત કરશો તો કંઈક તો પામશો જ ને. ધીમે ધીમે
સફળતા મળી પણ જાય. આમ તમારા ડર ને લીધે ખરાબમાં ખરાબ શું થઈ શકે તે, મનમાં વિચારી તેના ઈલાજો મનમાં નક્કી કરો. તમારો ડર નીકળતો
જશે. તેની છેડતી કરી હાથ પકડવો કાયદેસર ગુનો છે, તેથી તેવા ઉપાયો ના વિચારો, જે ગેરકાયદે, અનૈતિક, અસામાજિક, કે બિનસ્વીકાર્ય હોય.
એક
વખત તેના છેલ્લા પરિણામ સુધી વિચાર કરીને તેનો ઉકેલ મનમાં વિચારી લેવાથી મનમાંથી તે
બાબતનો ડર નીકળતો જશે.
૩.
ડરનો વિશ્વાસ પૂર્વક, હિંમતથી
સામનો કરો : એક વખત ડરના કારણોનું વિશ્લેષણ થઈ જાય પછી તેનો સામનો કરતાં રહો. ભલે
પહેલી વખત ડર લાગે, પણ તેને
હરીફાઈ તરીકે સ્વીકારી હિંમતથી સામનો કરો. બીજી વખત, ત્રીજી વખત, ડર આપોઆપ ઓછો થતો જશે.
તમને
ઊંચાઈનો નાનપણથી જ ડર પેસી ગયો છે. તેથી તમે ઊંચા મકાનો, કે વિમાનમાં ડરના માર્યા જતાં જ નથી. તો શું કરવું? એક વખત હિંમત કરી મકાનનાં ત્રેવીસમાં માળે જતાં રહો, અને અગાશી પરથી નીચે નજર કરો. પહેલા ડર લાગશે, પછી ખબર પડશેકે આમાં તો ડરવા જેવું કંઈ જ નથી, અને પછી તો તમે વિમાનમાં બેસતા પણ થઈ જશો.
એકાંતમાં
રાત્રે બંધ રૂમમાં એકલા સૂઈ જતાં ડર લાગતો હોય, તો મનમાં વિચારો, મને ડર શેનો લાગે છે? રાત્રે ચોર આવશે તો? મને રાત્રે એકલા કંઈ થઈ જાશે તો? પછી શાંતિ થી વિચારો, રાત્રે રૂમ અંદરથી બંધ કરીને સૂઈ જવાથી ચોર આવશે ક્યાંથી? અને રાત્રે કંઈ થઈ જવાનું હશે તો, તમે એકલા હશો કે બે જણા, તે તો થઈને જ રહેશે, પાસે મોબાઈલ રાખીને સુવાથી તરતજ સગાને ફોન તો થઈજ શકશે, પછી ડર શેનો? અને તમે એક વખત સૂઈ જશો, પછી થી ડર નીકળી જશે.
૪. ફરીથી ને ફરીથી એજ ડરનો સામનો કરો : એક વખત ડરના કારણો મહાત કરી, સામનો કરી, બંધ ના થઈ જાવ, પણ ફરીફરીને તેનો સામનો કરો. એક વખત ડર નીકળી જાય એટલે હવે વાંધો નહિ આવે, તે માનવું ભૂલ ભરેલું છે. તેનો દર વખતે નીડરતાથી સામનો કર્યા કરવાથી, ડર આપોઆપ દૂર થઈ જશે.
ઊંચી ઈમારતનો ડર લાગતો હોય તો, એક વખત ચડીને બંધ ના થાવ, પણ ફરી ફરી ને બીજી ઈમારતો સર કરો. આમ વારંવાર કરવાથી તે બાબતનો ડર કાયમ માટે મનમાંથી જતો રહેશે.
સુંદર, દેખાવડી છોકરી સાથે વાત કરતાં ડર લાગતો હોય તો, એક વખત હિંમતપૂર્વક વાત કરો, પછીથી તે જ્યારે મળે ત્યારે સામાન્ય વર્તન કરી. બીજા સાથે હળતા મળતા હોય તેમ, તેની સાથે પણ ડર વગર ભળી જાવ. સમય જતાં ડર નીકળી જશે, અને કદાચ તમને પ્રેમમાં સફળતા મળી પણ જાય.
૫.
હિંમત અને વિશ્વાસ જગાડો : કોઈ પણ ડર ને મહાત કરવા વિચાર સાથે હિંમત પણ વિકસાવો, કેળવો. ભૂત નથી તે વિચાર જ પૂરતો નથી, પણ તેની સામે લડવાની હિમ્મત પણ કેળવો. જો તમે ડરને વધારેને
વધારે પંપાળશો, વિચારશો, તો તેમાં ને તેમાં ડૂબતાં જશો. તેને બદલે નિડર બની સામનો
કરવાથી આત્મવિશ્વાસ વધશે અને તમે ડરને જીતી લેશો. “ડર કે આગે જીત હૈ” એ વાક્ય
બિલકુલ સાચું છે, અને તમે
એક વખત ડર કાઢશો, પછી જીત
તમારી જ છે, નક્કી જ છે.
------------------------------x--------------------------------x---------------------------------x------------------------
If you like article & also watch video & more details join us below link
Facebook page - https://www.facebook.com/profile.php?id=61564881283606
Youtube Link - https://www.youtube.com/@drharshadkamdar4852
Instagramme Link - https://www.instagram.com/drharshadkamdar/?hl=en
Twitter Link - https://x.com/HarshadKam2312
Linked in Link - https://www.linkedin.com/in/dr-harshad-kamdar-62983815a/
More Blogs Link -
Short Heart Touching Story- https://shorthearttouchingstory.blogspot.com/
Swasth Bachcha - https://swasthabachcha.blogspot.com/
Share Bazar Se kamai - https://sharebazarsekamai.blogspot.com/
Keywords:
Fear, afraid, anxiety, terror, panic, worry, nervousness, dread, phobia, fright, insecurity, uneasiness, tension, stress, uncertainty, danger, alarm, shock, trauma, distress, helplessness, vulnerability, emotional fear, inner fear, trembling, dark thoughts, survival instinct, mental pressure, overthinking, nightmares, suspense, threat, emotional instability, insecurity, avoidance, psychological strain, sudden fear, startled reaction, fear of the unknown, haunting thoughts, emotional disturbance
Tags :
#Fear #Afraid #Scared #Terror #Panic #Anxiety #Fright #Worried #Nervous #Dread #Phobia #InnerFear #FearInside #SilentFear #HauntedMind #DarkThoughts #EmotionalStorm #MindInFear #FearMode #StayAlert #DangerAhead #BreakingPoint #Nightmare #ScaryThoughts #UncertainMind #StressMode #MentalPressure #FearVibes #ShakingInside #ThreatFeeling #EmotionalTension #UnknownFear #HelplessFeeling #SurvivalMode #DisturbedMind #FrozenInFear #FearOfUnknown #ShadowOfFear #RestlessMind #ScaredInside